तुलसीपुर, १४ असार ।
एसईई २०८१ अन्तरगत दाङबाट २६ जना विद्यार्थीले ४ जीपीए ल्याएका छन् । संस्थागत तर्फ २४ जना र सामुदायिक तर्फ २ जनाले ४ जिपिए ल्याएको शिक्षा विकास तथा समन्वय ईकाई दाङले जनाएको छ । जस अनुसार सामुदायिक तर्फ आदर्श मावि देउखुरीबाट एक जना,गुरुजजुर नमुना माविबाट एक जनाले ४ जिपिए ल्याएका छन् ।
संस्थागत तर्फ १३ वटा विद्यालयबाट चौबीस जनाले ४ जिपिए ल्याएका हुन् । ती मध्ये तुलसीपुर उपमहानगरपालिकामा १४ जनाले ४ जिपिए ल्याएका छन् । समन्वय ईकाइको तथ्यांक अनुसार ज्ञानज्योती माविबाट ५ जना,गोरखा माविबाट ३, बालसहारा माविबाट ३, घोराहीको जनज्योती विद्या मन्दिरबाट ३ जनाले ४ जिपिए ल्याएका छन् ।
लाइभदाङ । १४ असार २०८२, शनिबार १९:३४ बजे