तुलसीपुर
२४ मंसीर / तुलसीपुर खानेपानी उपभोक्ता तथा सरसफाई संस्थाको निर्वाचन कार्यतालिका सार्वजनिक गरिएको छ । निर्वाचन समितिले शुक्रबार निर्वाचन तालिका सार्वजनिक गरेको हो । उच्च अदालत तुलसीपुरले एक महिना भित्र निर्वाचन गर्न भनि कात्तिक २५ गते आदेश गरेको थियो । सोही अनुसार आजदेखि निर्वाचन प्रक्रिया अघि बढेको हो ।
सोही अनुसार शुक्रबार मतदाता नामावली समेत प्रकाशन गरेको छ । सोही नामावलीमा २७ गते दावी विरोध, सोही दिन ५ बजे अन्तिम नामावली प्रकाशन गर्नेछ । आउदो पुस ११ गते १० बजेदेखी दिउँसो ३ बजे सम्म उम्मेदवारहरुको मनोनयन पत्र दर्ता गर्ने र बेलुका ५ बजेसम्म उम्मेदवारी नामावली प्रकाशन, पुस १२ गते ११ बजेसम्म उम्मेदवारको नामावली उपर दावी विरोध , सोही दिन ४ बजे उमेदवारहरुको संसोधिन नामावली प्रकाशन, पुस १४ गते ११ बजेसम्म उम्मेदवारहरुको नामावली फिर्ता लिन सकिने र बेलुका ५ बजे सम्म उम्मेदवारहरुको अन्तिम नामावली प्रकाशन गरिने छ ।
यस्तैगरी पुस १५ गते दिउँसो १२ बजे सम्म उम्मेदवारहरुलाई चुनाव चिन्ह प्रदान गरिने छ, भने पुस १७ गते विहान साढे ७ बजेदेखी बेलुका साढेचार बजे सम्म मतदान हुने निर्वाचन समितिले जनाएको छ ।
लाइभदाङ । २४ मंसिर २०७८, शुक्रबार १६:२८ बजे