तुलसीपुर, २० असार । दाङको तुलसीपुरमा बोलेरोले अटो रिक्सालाई ठक्कर दिदा दिदा दुर्घटना भएको छ ।
विहीबार साँझ ७ बजेतिर तुलसीपुर १३ बखरेमा तुलसीपुर अमलिया सडक खण्डमा जसपुर देखि दमार गाँउ तर्फ जादै गरेको रा १ ह ४३३६ नम्बरको अटोलाई विपरित दिशावाट आउदै गरेको रा १ च ९५० नम्बरको बोलेरोले ठक्कर दिई अटो चालक घाइते भएका छन् ।
इलाका प्रहरी कार्यालय तुलसीपुरका प्रहरी निरीक्षक प्रकाश थापाका अनुसार अटो चालक तुलसीपुर १३ निवासी ५४ बर्षीय चक्र बहादुर डाँगी गम्भीर घाइते भएका हुन् ।
डाँगीको राप्ती प्रादेशिक अस्पताल तुलसीपुरमा प्रारम्भीक उपचार पछि थप उपचारकालागि नेपालगन्ज नर्सिङहोम रेफर गरिएको छ । उनको टाउको र मुखमा गम्भीर चोट लागेको छ । साथै बोलेरो चलक शान्तिनगर ६ निवासी ३० बर्षीय अरुन चौधरीलाई प्रहरीले नियन्त्रणमा लिएको छ ।
लाइभदाङ । २१ असार २०८१, बिहीबार २२:०५ बजे