तुलसीपुर, ६ असार । दाङको हापुरे सवस्टेशन अन्तर्गत पञ्चकुलेका बनहरुमा रुखहरु ढलेकाले दाङको विद्युत सेवा अबरुद्ध भएको छ ।
बुधबार राति आएको हावाहुरीले तारहरुमा रुख ढलेको तथा हाँगाहरु परेकाले त्यसको मर्मत कार्य भइरहेको नेपाल विद्युत प्राधिकरण वितरण केन्द्र तुलसीपुरले बताएको छ ।
हाँगा तथा रुख परेको स्थानमा मर्मतको काम सकिएको र शवस्टेशनमा चार्जिङको काम सकिएकाले केही समयमा विद्युत आउने केन्द्रले जनाएको छ ।
बुधबार राति १० बजेदेखि यस क्षेत्रमा विद्युत सेवा छैन । दाङमा राति हावाहुरीसहित बर्षा भएको छ ।
लाइभदाङ । ७ असार २०८१, बिहीबार ०७:४४ बजे