दाङ, १ जेठ ।
राप्ती बबई क्याम्पस तुलसीपुरका क्याम्पस प्रमुख गणेश पार्धेको कार्यकक्षमा विद्यार्थीहरुले तालाबन्दी गरेका छन् । लामो समय देखी राप्ती बबई क्याम्पसको रक्षक (गाड)को रुपमा काम गर्दै आईरहेका खिम बहादुर डाँगीलाई राजनीतिक हस्तक्षपका कारण क्याम्पस प्रमुखले मनमानी ढंगले हटाउन लागेको भन्दै ताला लगाएको विद्यार्थीले बताएका हुन् ।
यस्तै विद्यार्थीहरुले विद्यार्थी संगै संस्थाको हितको निम्ति कुनै काम नगर्ने र बारम्बार मनमानी ढंगले हरेक क्रियाकलाप गरिरहेको, विद्यार्थी संगठनसंग भएका सहमति व्यवस्था गर्दै अगाडी बढिरहेको हुदा आफूहरुले ताला लगाउन बाध्य भएको बताए ।
यस्तै उनीहरुको हरेक निर्णय एउटा गर्ने र कार्यनयन अर्को गर्दै आइरहेको पनि बताए । १८ औं साधारण सभाको दिन हरेक विद्यार्थीको प्रतिनिधित्व गर्दै कोमल बहादुर वली (के.बि) ले उठाएका बिषयहरु पनि छलफल गर्ने भनिएको तर अहिलेसम्म कुनै बैठक नबोलाउनु विद्यार्थी हित बिपरित क्याम्पस प्रशासन चलिरहेको बताए ।
यस्तै विद्यार्थी प्रमोद भण्डारीले तत्काल संरक्षक हटाउने निर्णय फिर्ता लिन र विद्यार्थीहरुले उठाएका हरेक बिषयमा छलफल नगरी व्यवस्था गरे आफुहरुले तप संर्घषका कार्यक्रम गर्ने पनि बताएका छन् ।
लाइभदाङ । १ जेष्ठ २०८१, मंगलवार ११:४४ बजे