तुलसीपुर, ६ फागुन । दाङको तुलसीपुरबाट एक बालिका वेपत्ता भएको पारिवारिक स्रोतले बताएको छ । तुलसीपुर उपमहानगरपालिका– ५ ‘ङ’ लाइन निवासी १३ वर्षीया विपना वली बाहिनी चोकबाट आज आइतबार बिहान ९ बजे बेपत्ता भएको बुवा पवन कुमार वलीले जानकारी दिनुभयो । आज बिहान डान्सको कपडा छोड्न गएकी विपना बाहिनी चोकबाट बेपत्ता भएको वुवा पवनले बताउनुभयो । ‘सीसी क्यामरामा हेर्दा बिहान ९ बजेतिर बाहिनी चोकदेखि पश्चिमको भित्री गल्लीतर्फ एक्लै गएको देखिन्छ । त्यसपछि अहिलेसम्म घरमा पनि आएकी छैन । सीसी क्यामरा नभएकाले कहाँगइ देखिदैन् । उसको हातमा कुनै मोबाइल पनि छैन । आफन्तको घरमा पनि गएकी छैनन् ।’ वुवा पवन कुमारले भन्नुभयो । बालिका विपना तुलसी बोर्डिङमा कक्षा ६ अध्ययन गर्दै आएको पारिवारिक स्रोतले बताएको छ । बालिका कतै भेटिएमा ९८५७८३६६१२ सम्पर्सार्न गरिदिन आफन्तले आग्रह गरेका छन् ।
लाइभदाङ । ६ फाल्गुन २०८०, आईतवार २०:३३ बजे