सल्यान, १८ माघ । सल्यानमा ट्याक्टर दुर्घटना हुँदा एक जनाको मृत्यु भएको छ । मृत्यु हुनेमा कुमाख गाउँपालिका –६ बडागाउँका १९ वर्षीय जनक विक रहेको जिल्ला प्रहरी कार्यालय सल्यानले जनाएको छ ।
बागचौर नगरपालिका –८ कोटमाैलाको भित्री सडक खण्डमा रा १ त ३८५७ नम्बरको ट्याक्टर दुर्घटना हुँदा ट्याक्टरले च्यापिएर विकको मृत्यु भएको जिल्ला प्रहरी कार्यालय सल्यानका सूचना अधिकारी भवानीप्रसाद धमलाले जानकारी दिनुभयो । गाईवस्तुको मल बोकेको ट्याक्टर अनियन्त्रित भएर पल्टिंदा उक्त दुर्घटना भएको हो ।
लाइभदाङ । १८ माघ २०८०, बिहीबार १७:३३ बजे