दाङ, १९ मंसिर ।
दाङको देउखुरीमा दुई मोटरसाइकल एक आपसमा ठोक्किदा ३ जना गम्भीर घाइते भएका छन् । लमही भालुवाङ सडक खण्ड अन्तरगत राप्ती गाउँपालिका ५ लसिपठ्ठहवामा मंगलबार दिउँसो सवा २ बजेको समयमा पुर्वबाट पश्चिम आउदै गरेको प्रदेश ३–०२०१४ प ०५०६ नम्बरको मोटरसाइकल र पश्चिमबाट पुर्व गईरहेको रा ५ प ६८ नम्बरको मोटरसाइकल एक आपसमा ठोक्किएर दुर्घटना भएको इलाका प्रहरी कार्यालय सिसहनियाँले जानकारी दिएको छ ।
दुर्घटनामा परि मोटरसाइकल चालक बर्दियाको गुलरिया नगरपालिका ५ बस्ने पृथ नेपाल आर्मी सिंह दरवार काठमाडौमा कार्यरत वर्ष ३२/३३ को भुपेन्द्र चौधरी, अर्का मोटरसाइकल चालक प्युठान नगरपालिका ९ बस्ने वर्ष ३० को सुरेन्द्र केसी, र उहाको श्रीमती वर्ष २५ को हिरा केसी गम्भीर घाइते भएको प्रहरीले जनाएको छ ।
घाइते तीनै जनालाई सिसहनियाँ स्वास्थ्य चौकीमा सामान्य उपचार गरि थप उपचारका लागि चौधरीलाई नेपालगन्ज र केसी दम्पतीलाई बुटवल रिफर गरिएको प्रहरीले जानकारी दिएको छ ।
लाइभदाङ । १९ मंसिर २०८०, मंगलवार १६:४७ बजे