हापुरे, १९ असोज ।
गायक तथा सर्जक राज पायल रोकाको म्युजिक भिडियो ‘बबई पारी गाउँ’ सार्वजनिक भएको छ। दाङको बबई गाउँपालिका स्थाई ठेगाना भई हाल रोजगारीका लागि मलेसियामा रहेका रोकाले जातिय विभेदका कारण समाजमा हुने तितो यथार्थलाई गित र भिडियो मार्फत देखाउन खोजेको बताए ।
बबई पारी गाउँ गितमा शब्द/संगित र आवाज राजपायल रोकाको रहेको छ भने गितलाई एरेन्जर मिक्सिङ याकुव तामाङले गरेका हुन् । म्युजिक भिडियोको कथा बिष्णु केसीले लेखेका र भिडियोको निर्देशन र सम्पादन अभिषेक मल्लले गरेका थिए ।
महेश कुसुम्याले छायांकन गरेका म्युजिक भिडियोमा बिष्णु के.सी,ईच्छा बि.क, अभिषेक मल्ल र लखपति चौधरीको अभिनय रहेको छ। बबई गाउँपालिकाको बबई नदि सहित दाङका विभिन्न क्षेत्रमा छायांकन गरिएको म्युजिक भिडियो rajpayal roka magar युट्युव च्यानल मार्फत सार्वजनिक भएको हो ।
लाइभदाङ । १९ आश्विन २०८०, शुक्रबार १२:१० बजे