तुलसीपुर, ६ असोज । दाङमा लागुऔषध वितरण गर्ने एक मेडिक सञ्चालनलाई पक्राउ गरिएको छ । तुलसीपुर बसपार्कमा रहेको फ्युजन हेल्थ केयर मेडिकलका सञ्चालक ४० बर्षीया तीला कुमारी सुनारलाई पक्राउ गरिएको हो ।
ईलाका प्रहरी कार्यालय तुलसीपुरका प्रहरी नायब उपरीक्षक श्यामु अर्यालका अनुसार बुधबार दिउँसो १२ बजेतिर उनलाई पक्राउ गरिएको हो । उनको साथबाट एन्टिटिसिभ ट्याब्लेट–११२६, एन्टिफोफ ट्याब्लेट–५०४, ट्रामाडोल ट्याब्लेट–१६०४, सी–ट्रयाब–१५६ सहित चार वटा मोबाइल र नगद एक लाख १६ हजार ८ सय ५० रुपैंया बरामद गरेको छ ।
यस विषयमा अनुसन्धान भइरहेको प्रहरीले बताएको छ ।
लाइभदाङ । ६ आश्विन २०७८, बुधबार १८:२० बजे