देवराज कडेल
तुलसीपुर, २९ भदौ । दाङको लमही नगरपालिकाले कवाड सामग्री ओसारपसार गरेको कर लिएको भन्दै व्यबसायीहरुले आपत्ति जनाएका छन् । करका नाममा व्यबसायीहरुलाई दुःख दिने काम भएको समेत उनीहरुको दुःखेसो छ ।
सोही विषयमा छलफल गर्न राप्ती कबाड व्यावसायी संघ सोमबार लमही नगरपालिका पुगेको छ । अन्य स्थानीय तहमा कबाड सामान लैजान कर तिर्नु नपर्ने तर लहमी नगरपालिकाले ठेक्का दिएर पैसा उठाउने गरेकोले आफूहरु सम्बन्धि निकायमै गएर छलफल गर्न पुगेको संघका अध्यक्ष मन्जित पुनले बताए ।
आफूहरुलाई निकासी करका रुपमा अनाबश्यक कर लिने गरेको उनको भनाई छ । आफुहरुले सरकारले लिदै आएको रु १३% कर तिरेर एक ठाउ बाट अर्को ठाँउ जाने गरेको तर, यसमा पनि दोहोरी करका रुपमा लमही नगरपालिकाले अशूल गर्ने गरेको संघका उपाध्यक्ष हकी कुलारङरेजले जानकारी दिए ।
यसले आफूहरु निकै मारमा परेको व्यबसायी चन्दन कुमार शाहले बताए । यो समस्या लिएर नगरपालिका पुगेपनि नगरप्रमुखले यो विषयमा कुनै सुनुवाई नगरेको उनले बताए । यो विषयमा बेवास्ता नै गरेको अध्यक्ष पुनको गुनासो छ ।
लाइभदाङ । २८ भाद्र २०७८, सोमबार २०:२२ बजे