तुलसीपुर,४ चैत । दाङ तुलसीपुर उपमहानगरपालिका वडा नं. ९ स्थित सगरमाथा बाल बाटिकाले अभिभावक शिक्षा कार्यक्रम गरेको छ । शनिबार विद्यालयमा कार्यक्रम गरि अभिभावकहरुलाई सचेतना प्रदान गरेको हो ।
बिद्यालय सञ्चालक समितिका अध्यक्ष यमकान्त खरेलको अध्यक्षता तथा तुलसीपुर वडा ९ का वडा अध्यक्ष घनश्याम ढकालको प्रमुख आथित्यतामा कार्यक्रम भएको हो । त्यस अवसरमा प्रहरी नायब उपरीक्षक पुष्प राज मल्लले शान्ति सुरक्षाका विषयमा अभिभावकहरुलाई प्रशिक्षण दिएका थिए । त्यस्तै ट्राफिक प्रहरी कार्यालय तुलसीपुरका प्रमुख तिर्थ भुसालले ट्राफिक सचेतना प्रदान गरेका थिए ।
त्यस्तै प्रमुख प्रशिक्षक देवराज दाहालले अभिभावकले घरमा विद्यार्थीलाई गर्ने ब्यबहार, अभिभावक र विद्यार्थीबीचको सम्बन्ध लगायतका विषयमा प्रशिक्षण दिएका थिए ।
कार्यक्रममा विद्यालयका प्रिन्सिपल छविकुमार वलीलले विद्यार्थीहरुलाई किताबी ज्ञान मात्रै दिएर नहुँने भन्दै प्रयोगात्मक शिक्षामा पनि उत्तिकै जोड दिएको बताए । बजारमा विक्ने शिक्षा दिने आफ्नो दायित्व रहेको भन्दै त्यसमा अभिभावकहरुले पनि सहजीकरणको भूमिका खेल्नुपर्ने उनको भनाई थियो ।
लाइभदाङ । ४ चैत्र २०७९, शनिबार २२:०५ बजे