तुलसीपुर, १ फागुन ।
दाङमा श्रीमतीको कुटपिटबाट श्रीमान घाइते भएका छन् । घाइते हुनेमा दंगीशरण गाउँपालिका वडा नं. ४ बैवाङ निवासी ५३ वर्षीय दुर्गा प्रसाद खड्का रहेको प्रहरीले बताएको छ । सोमबार बिहान साढे १० बजेको समयमा दुर्गा र उनकी श्रीमती ५० वर्षीया मीना खड्का बीच झगडा हुँदा मीनाले काठको मन्युले श्रीमानलाई कुटपिट गरेकी थिइन् ।
कुटपिटबाट दुर्गालाई टाउँको र खुट्टामा चोट लागेको ईलाका प्रहरी कार्यालय तुलसीपुरका प्रहरी निरिक्षक पर्वत केसीले जानकारी दिए । घाइते खड्काको राप्ती प्रादेशिक अस्पतालमा सामान्य उपचारपछि थप उपचारको लागि नेपालगञ्ज रेफर गरिएको प्रहरी निरिक्षक केसीले जानकारी दिए । कुटपिट गर्ने मिनालाई प्रहरीले नियन्त्रणमा लिएको छ ।
लाइभदाङ । १ फाल्गुन २०७९, सोमबार १५:४६ बजे