तुलसीपुर
१४ भदौ / दाङको तुलसीपुर उपमहानगरपालिका वडा नं. ५ स्थित नमूना भुह्यारथानमा अष्टिमकी पुजिएको छ । दोस्रो ठूलो पर्वको रुपमा मनाउने श्रीकृष्ण जन्माष्टमीका अवसरमा बरुवागाउँ, नामीनगर र नमूना भुह्यारथान स्थित टोलका थारु समुदायले नमूना भुह्यारथानको हलमा अष्टिमकी पुजेका हुन् ।
महतवाको घरमा पुज्नु पर्ने भएपनि ठाउँ साँघुरो भएकाले भुह्यारथानको हलमा अस्टिमकी पुजिएको अध्यक्ष रामशरण चौधरीले बताए । चौधरीको अध्यक्षता तथा पत्रकार महासंघ दाङका सदस्य दीपक बोहराको प्रमुख आतिथ्यमा कार्यक्रम भएको हो । कार्यक्रमको सहजीकरण उपाध्यक्ष नारायण चौधरीले गरेका थिए ।
लाइभदाङ । १४ भाद्र २०७८, सोमबार २२:०० बजे