तुलसीपुर, २५ कात्तिक ।
तुलसीपुर जारी लोक नृत्य प्रतियोगितामा आज सेमिफाइनलको प्रतिष्पर्धा हुने भएको छ । सेमिफाइनलको प्रतियोगितामा सात जनाले प्रतिष्पर्धा गर्ने आयोजक मितेरी युवा क्लबका अध्यक्ष अजय बुढाथोकीले जानकारी दिनुभयो ।
नवप्रतिभालाई उजागर गर्नका लागि गत असोज ३० गतेदेखि तुलसीपुरमा लोक नृत्य प्रतियोगितामा संचालन भइरहेको छ । आज सेमिफाइनलबाट छनौट भएकाले फाइनलमा प्रतिष्पर्धा गर्न पाउने अध्यक्ष बुढाथोकीले जानकारी दिनुभयो ।
प्रतियोगितामा प्रथम हुने बिजेताले नगद १ लाखसहित तीन कार्टुन रारा चाउचाउ प्राप्त गर्ने भएको छ । यस्तै दोस्रो हुनेले नगद ५० हजार र दुई कार्टुन चाउचाउ र तेस्रो हुनेले नगद २५ हजार १ कार्टुन चाउचाउ प्राप्त गर्ने भएका छन् ।
लाइभदाङ । २५ कार्तिक २०७९, शुक्रबार १३:११ बजे