तुलसीपुर, ८ भदौ । दाङको राप्ती स्वास्थ्य विज्ञान प्रतिष्ठानको बेरुजु करिब साढे १० करोड रहेको छ ।
प्रतिष्ठानको जम्मा ४४ करोड ६९ लाख ३ हजार बजेट मध्ये १० करोड ४४ लाख ६५ हजार बेरुजु देखिएको हो । त्यस्तै बेलझुण्डी स्थित नेपाल सस्कृत विश्वविद्यालयको बेरुजु भने ४९ लाख मात्रै छ ।
८० करोड ४६ लाख २० हजार बजेटमा ४९ लाख बेरुजु आएको हो । तर, प्रतिष्ठानमा विश्वविद्यालय भन्दा कम बजेट भएपनि धेरै बेरुजु आएको छ ।
त्यस्तै राप्ती प्रादेशिक अस्पताल तुलसीपुरमा १ करोड ७२ लाख ६८ हजार बेरुजु देखिएको छ । प्रादेशिक आयुर्वेद चिकित्सालयमा १० लाख ५९ हजार, घोराही नगर विकास समितिमा ७६ लाख ६ हजार र लमही नगर विकास समितिमा ६० हजार बेरुजु देखिएको हो ।
लाइभदाङ । ८ भाद्र २०७८, मंगलवार ११:०१ बजे