सल्यान, ३१ साउन ।
दार्मा गाउँपालिका–३, चम्पुटाकुरा सल्यानमा आफ्नै दाइले एसिड छर्कदा भाई र बुहारी गम्भीर घाइते भएका छन् ।
सोमबार साँझ ६ बजे कामको सिलसिलामा दार्मा गाउँपालिकाबाट घर पुगेको केही समय भित्रै दाइ बेचे रावतले भाई भिम बहादुर र बुहारीलाई एसिड छर्केर घाइते बनाएका हुन । उक्त एसिड आक्रमणमा छिमेकी भिम बहादुर रावत समेत घाइते भएका छ्न् ।
हाल घाइते तिनै जनाको नेपालगन्जमा उपचार भैरहेको परिवार स्रोतले जनाएको छ। घरको आर्थिक लेनदेनको कारण दाइले भाइलाई एसिड छर्केको भन्ने प्रारम्भिक अनुमान गरिएको दार्मा प्रहरी को भनाइ छ ।
एसिस प्रहार गर्ने बेचे रावत हाल इलाका प्रहरी कार्यालय थारमारेमा रहेको र घटनाबारे थप अनुसन्धान भइरहेको ईलाका प्रहरी कार्यालय थारमारेले जनाएको छ । एसिड प्रहार बाट ब्यक्ति घाइते भएको यस प्रकारको घटना दार्मामा पहिलो पटक आफुहरुले थाहा पाएको स्थानीयको भनाइ छ।
लाइभदाङ । ३१ श्रावण २०७९, मंगलवार १३:२९ बजे