तुलसीपुर, ५ जेठ ।
तुलसीपुर उपमहानगरपालिका वडा नम्वर २ को वडा अध्यक्षमा एमालेका भिम बहादुर योगी निर्वाचित हुनु भएको छ । योगीले १२९२ मत प्राप्त गरी निर्वाचित हुनु भएको हो । उहाँका निकटतम प्रतिष्प्रर्धी कांग्रेसका राजु आचार्यले ११२० मत प्राप्त गर्नुभएको छ । योगीले १७२ मतले आचार्यलाई पराजित गर्नुभएको हो । वडामा योगी सहित ३ जना सदस्य निर्वाचित भएका छन् ।
यस अघि २०७४ सालको स्थानिय तहको निर्वाचनमा कांग्रेसका राजु आचार्य संग पराजित हुनु भएका योगी यसपालीको निर्वाचनमा विजयी हुनु भएको हो ।
तुलसीपुर उपमहानगरपालिकामा अहिले सम्म १ र २ नम्वर वडाको मतगणना सम्पन्न भएको छ । यस अघि वडा नम्वर १ को वडा अध्यक्षमा गठबन्धनको तर्फबाट माओवादी केन्द्रका हुमाकान्त सापकोटा निर्वाचित हुनु भएको छ । वडा नम्वर १ मा अध्यक्ष सहित दुई जना गठबन्धनका र तिन जना सदस्य एमालेका निर्वाचित भएका छन ।
लाइभदाङ । ५ जेष्ठ २०७९, बिहीबार ०६:२५ बजे