तुलसीपुर, १४ कात्तिक ।
दाङको तुलसीपुरबाट अमिलियातर्फ जाँदै गरेको कार दुर्घटना हुँदा दुईजना गम्भीर घाइते भएका छन् । दुर्घटनामा परि घाइते हुनेमा तुलसीपुर उपमहानगरपालिका वडा नम्बर ७का कर्ण बहादुर थापा र पुर्ण बहादुर खत्री रहेको जिल्ला प्रहरी कार्यालय दाङले जनाएको छ । घाइते दुई जनाकै अवस्था गम्भीर छ ।
प्रहरीका अनुसार राप्ती राजमार्ग अन्तर्गत तुलसीपुरबाट अमिलियातर्फ जाँदै गरेको बा१६च ७६४३ नम्बरको कार बुधबार दिउँसो करिब १२ बजेको समयमा लमही नगरपालिका–९ अम्राई खोलाको भिरबाट तल खसेको हो । कार सडकदेखि करिब दुई सय ५० मिटर तल खसेको छ ।
लाइभदाङ । १४ कार्तिक २०८१, बुधबार १६:२५ बजे