दीपक बोहरा
दाङ,१६ वैशाख । दाङको राजपुर गाउँपालिका वडा नं. ७ हाडबास गाउँमा आगलागी हुँदा २४ घर जलेर नष्ट भएका छन् ।
सोही आगलागीले अन्य १० वटा गोठ समेत जलेर नष्ट भएको वडाध्यक्ष पुष्कर वलीले बताए । । सोही गाउँमा २५ वटा घर थिए । ति मध्ये २४ वटा जलेर नष्ट भएका हुन् ।
आईतबार दिउसो ३ बजेतिर गाउँमा आगलागी भएको हो । आगलागी भएका सबै घर खरले छाएका हुन् । जस्ताले बनाएको मानबहादुर गिरीको घर बाहेक सबै घर जलेका हुन् ।
नजिकै रहेको बनबाट लागेको आगो गाउँमा पसेको हो । स्थानीयले आगो निभाउने प्रयास गरेपनि सम्भव नभएपछि गाउँ नै आगलागीले गर्दा सखाप भएको स्थानीय भिम वलीले बताए । सोही ठाउँमा लागेको आगो अझै नियन्त्रणमा आएको छैन ।
बन क्षेत्र भित्रको बस्ति भएकाले पनि सजिलै गाउँमा आगलागी भएको हो । हावाहुरीले गर्दा आगो नियन्त्रणमा आउन नसकेको स्थानीय वलीले बताए ।
भिडियोः https://www.facebook.com/livedangnews/videos/420322763973160
लाइभदाङ । १६ बैशाख २०८१, आईतवार १६:०८ बजे