रोल्पा, १६ फागुन ।
रोल्पामा घरमा आगलागी हुदाँ एक जनाको मृत्यु भएको छ । मृत्यु हुनेमा माडी गाउँपालिका ५ चरीकोट निवासी ७५ वर्षीया हरिकला घर्ती रहेको जिल्ला प्रहरी कार्यालय रोल्पाले जानकारी दिएको छ ।
मंगलबार दिउँसो घरमा आगलागी हुँदा सोही आगोमा जलेर घर्तीको मृत्यु भएको हो । आगलागी हुदाँ करिब ८ लाख रूपैयाँ बराबरको धनमाल जलेर नष्ट भएको छ । आगोलाई स्थानीय बासिन्दाको सहयोगमा नियन्त्रणमा लिएको र यस बारे आवश्यक अनुसन्धान गरिरहेको प्रहरीले जनाएको छ ।
लाइभदाङ । १६ फाल्गुन २०८०, बुधबार १२:४९ बजे