निराश पाण्डे
शान्तिनगर, २२ मंसिर ।
पश्चिम दाङको शान्तिनगरमा एक गोठमा विहीवार दिउसो आगलागी भएको थियाे । शान्तिनगर गाउँपालीका वडा नम्बर ४ गव्दवा निवासी तारा वहादुर के.सीको गोठमा आगलागी भएको चार नम्बर वडा अध्यक्ष गोमान वहादुर वलीले जनाएका छन ।
विद्युत सट भएर आगलागी भएको प्रहरी चौकी चिराघाटका इन्चार्ज खड्क बहादुर डाँगीले जनाएका छन । आगलागीवाट एकसय भारी पराल र काठ गरी अन्दाजी एकलाख वरावरको क्षति भएको प्रहरीले जनाएको छ । तुलसीपुर उपमहानगरपालिकाको दमकल र स्थानीयको सहयोगमा आगो नियन्त्रणमा आएको जनाइएको छ ।
लाइभदाङ । २२ मंसिर २०८०, शुक्रबार ११:३६ बजे