तुलसीपुर, १४ फागुन ।
मकवानपुरमा मोटरसाइकल दुर्घटना हुदा एक जनाको मृत्यु भएको छ । मृत्यु हुनेमा दाङको तुलसीपुर उपमहानगरपालिका १० निवासी २३ वर्षीय दिलकुमारी चौधरी रहेको जिल्ला प्रहरी कार्यालय मकवानपुरका प्रहरी निरीक्षक रामचन्द्र घिमीरेले जानकारी दिनुभएको छ ।
काठमाडैंबाट मकवानपुर तर्फ जादै गरेको बा ७३ प ९०६० नम्बरको मोटरसाइकल मकवानपुरको इन्द्रसरोवर गाउँपालिका–२ स्थित अनियन्त्रीत भएर ढुङ्गामा ठोक्किदा उनको घटना स्थलमै मृत्यु भएको हो ।
यस्तै मोटरसाइकल चालक काठमाडौ ५ धानकोट निवासी ओमकुमार राणा घाइते भएको र उनलाई प्रहरीको निगरानीमै राखेर उपचार गरीरहेको प्रहरीले बताएको छ । घटनाको बारेमा थप अनुसनधान भइरहेको प्रहरीले जनाएको छ ।
लाइभदाङ । १४ फाल्गुन २०७९, आईतवार १५:४३ बजे