तुलसीपुर
१६ भदौ / जलस्रोत तथा सिंचाई विकास डिभिजन कार्यालय तुलसीपुरले सिंचाई विस्तार गरेको छ । कार्यालय प्रमुख गणेश मरासिनीका अनुसार गएको आर्थिक बर्ष २०७७/०७८ मा सिंचाईकालागि १४ वटा बाँध निर्माण गरिएको छ ।
त्यस्तै २५.१५ किलोमिटर पक्की कुलो/नहर संरचना निर्माण भएको, २ वटा लिफ्ट सिंचाई प्रणाली, पाँच वटा सिंचाईकालागि जलासय निर्माण भएको छ । सिंचाई संगै कार्यालयले नदी ब्यबस्थापनकालागि तटबन्ध निर्माणको कार्य समेत गरेको छ । प्रमुख मरासिनीका अनुसार गएको बर्ष १०.७० मिटर तटबन्ध गरिएको छ । जिल्लाका बिभिन्न खोलाहरुमा तटबन्ध निर्माण गरिएको हो ।
साथै कार्यालयले गएको आर्थिक बर्षमा १३ वटा क्रमागत सिंचाइ योजनाहरु सम्पन्न गरेको छ । जसबाट १ हजार ३२ हेक्टर सिंचाइ योग्य जमिनमा सिंचाई पुगेको छ । त्यस्तै ८३ वटा सिंचाइ योजनाहरुको मर्मत, सुधार तथा विस्तार गर्दा एक हजार दुईसय ४५ हेक्टर सिंचाइ योग्य जमिनमा दिगो र भरपर्दो सिंचाइ सुविधा पु¥याउन पुर्वाधार निर्माण भएको छ ।
कार्यालयले हालसम्म ८ वटा जलाशयबाट निर्माण गरेको छ । यसबाट ४५ हेक्टर सिंचाइ योग्य भूमिमा १२ महिना नै सिंचाई सुविधा उपलब्ध भएको छ ।
गएको बर्ष २३ वटा नदी व्यबस्थापन योजनाको काम पनि भएका छन् । जसबाट २०५ हेक्टर खेति योग्य जमिनमा बर्षातको समयमा खोलामा आउने वाढीको कटानबाट हुने क्षतिको जोखिम न्यूनिकरण भएको छ । साथै ६ सय ६१ घरधुरी बर्षातको समयमा खोलामा आउने बाढिबाट हुने क्षतिको जोखिमबाट सुरक्षित भएको छ ।
कार्यालयले जिल्लाका सिंचाइ योग्य जमिनमा बर्षैभरी दिगो र भरपर्दो सिंचाइ सुविधा पु¥याउनको लागि मझौला खालका सतहगत सिंचाइ प्रणालीहरु, लिफ्ट सिंचाइ प्रणालीहरु, नयां प्रविधिमा आधारित सिंचाइ प्रणालीहरु तथा जलाशयमा आधारित सिंचाइ प्रणालीहरुको कार्यान्वयन गर्दै आइरहेको छ ।
साथै बिगतमा निर्माण गरिएका अधुरा तथा प्रभावकारी सेवा दिन नसकेका सिंचाइ प्रणालीहरुको मर्मत, सुधार तथा बिस्तार कार्य हुनुका साथै मझौला नदिजन्य जल उत्पन्न प्रकोप ब्यवस्थापनको काम समेत हुँदै आएको छ ।
लाइभदाङ । १६ भाद्र २०७८, बुधबार १८:५८ बजे