तुलसीपुर
९ वैशाख / दाङको लमही स्थित एक मस्जिदमा नवाज पढिरहेको अबस्थामा अपरिचित ब्यक्तीले आक्रमण गर्दा ८ जना घाईते भएका छन् ।
स्थानीय मुस्लिम समुदायले सुनन्त फैजाने रजा मस्जिदमा नवाज पढिरहेको बेला केही ब्यक्तीले धारिलो हतियार र ईंटा प्रहार गर्दा लमही नगरपालिका वडा नं. ५ का ६४ वर्षीय गुठे कुरेसी गम्भीर घाइते भएका छन् ।
वडा प्रहरी कार्यालय लमहीका प्रहरी प्रमुख पुष्पराज थापाका अनुसार उनको टाउकोमा गहिरोचोट लागेको छ ।
त्यस्तै सोही ठाउँका ३३ वर्षीय अरसद अली, सवविर अली, ५२ वर्षीय मोहम्मद कासिम, २९ वर्षीय सकिल अली, ६५ वर्षीय दिल मोहम्मद मियाँ, २५ वर्षीय कमाल अली, ४२ वर्षीय मोहम्मद याकदिन अली घाइते भएका हुन् । शुक्रबार करिब १ बजेतिर उक्त घटना भएको हो ।
लाइभदाङ । ९ बैशाख २०७९, शुक्रबार १८:१० बजे