प्यूठान ८ बैशाख ।
प्यूठानको माण्डवी गाउँपालिकामा मोटरसाईकल दुर्घटना हुँदा एक जनाको मृत्यु भएको छ भने एक जना घाईते भएका छन् ।
दुर्घटनामा परि मृत्यु हुनेमा दाङको घोराही उपमहानगरपालिका–११ का २७ बर्षिय बिमल डांगी रहेको जिल्ला प्रहरी कार्यालय प्यूठानका प्रहरी नायव उपरिक्षक इश्वर थापाले जानकारी दिए । दुर्घटनामा परि दाङको घोराही उपमहानगरपालिका–८ ढिकपुरका ४८ बर्षका कैलाश डिसी गम्भीर घाईते भएको प्रहरीले जनाएको छ ।
माण्डवी गाउँपालिका–१ मुर्कुटी स्थित छबिसे चौरमा दाङको घोराहीबाट प्यूठानतर्फ आउदै गरेको रा ५ प १५२८ नम्वरको मोटरसाईकल अनियन्त्रीत भई दुर्घटना हुँदा एक जनाको मृत्यु भएको छ ।
दुर्घटनामा परी घाईते भएका दुबै जनालाई जिल्ला अस्पताल बिजुवार ल्याइएको थियो । अस्पतालले डांगीलाई मृत घोषणा गरेको हो । दुर्घटनामा घाईते डिसीलाई नेपालगञ्ज रिफर गरिएको छ । उनको टोउको, दाहिने हात र खुट्टामा चोट लागेको छ । उनको अवस्था पनि गम्भिर रहेको प्रहरीले बताएको छ ।
लाइभदाङ । ८ बैशाख २०८१, शनिबार १५:५९ बजे