तुलसीपुर,१३ फागुन । अल्पाइन युनिफर्म एण्ड स्पोर्टस् हाउसले गरीब विद्यार्थीहरुलाई न्यानो विद्यालय पोशाक सहयोग गरेको छ ।
तुलसीपुर स्थित उक्त युनिफर्मले तुलसीपुर १२ मा रहेको पशुपति मावि हरीपौरीका १६ जना विद्यार्थीहरुलाई पोशाक सहयोग गरेको हो । सञ्चालक नोवेल डीसीका अनुसार ११ औं बार्षिकोत्सवका अवसरमा गरीब तथा जेहेन्दार विद्यार्थीहरुलाई सहयोग गरिएको हो ।
प्रत्येक बर्ष उक्त युनिफर्मले यसरी नै बार्षिकोत्सवमा सामाजिक काम गर्दै आएको छ ।
त्यस अवसरमा विद्यालय व्यबस्थापन समितिका अध्यक्ष खगेन्द्र अधिकारी, प्रधानाध्यापक राधा चौधरीलगायतको सहभागिता रहेको थियो।
लाइभदाङ । १३ फाल्गुन २०८०, आईतवार १३:२१ बजे