घोराही, २२ कार्तिक ।
त्रिभुवन विश्व विद्यालय अन्तर्गत पुल्चोक इेन्जिनियरिङ अध्ययन संस्थानको प्रवेश परीक्षामा गुरुकुल एकेडेमि दाङले उत्कृष्ट नतिजा निकालेको छ । दाङ जिल्लालाई शैक्षिक हव बनाउन अहम भुमिका खेल्ने उद्धेश्यका साथ २०७२ सालमा स्थापना गरीएको गुरुकुल एकेडेमीले २०७८ सालबाट प्लस टु संचालनमा ल्याएको थियो ।
प्लस टु संचालनको पहिलो बर्षमा अर्था पहिलो ब्याचले पुल्चोक इन्जिनियरिङ कलेजमा पुर्ण छात्रवृति सहित अध्ययन गर्न पाउने गरी दश जना विद्यार्थीहरु चन्द्र प्रकाश केसि ,श्रीजन गैरे ,सुस्मिता पुन मगर आशिष रेउले , प्रशान्त शर्मा , सुलोचना श्रेष्ठ ,समर भट्राई माधव पौडेल , विभुत अधिकारी र रोशन शर्माले नाम निकाल्न सफल भएको गुरुकुल एकेडेमी प्लसटुका विज्ञान संयोजक अजय शाहले जानकारी दिनुभयो ।
डाक्टर तथा इन्जिनियरहरुको समुह मिलेर संचालन गरेको उक्त विद्यालयले मेहनत गरेर अध्ययन अध्यापन गराउन सकियो भने विद्यार्थिहरुबाट सतप्रतिशत नतिजा निकाल्न सकिन्छ र त्यसका लागि विद्यालय अभिभावक र विद्यार्थिहरुमा अध्ययनको भोक जगाउन जरुरी हुन्छ र सो कार्य गुरुकुल एकेडेमीले पुरा गर्ने प्रतिवद्धता गुरुकुल एकेडेमीका प्लस टु संयोजक निमानन्द गैरेले बताउनुभयो ।
गुरुकुल एकेडेमीले गतबर्षको एसईई परीाक्षामा पनि शतप्रतिशत नतिजा सहित शुभम पोख्रेललाई चार जिपिए ल्याउने सफल गराएको थियो । गुरुकुल एकेडेमीको हरेक बर्षको उत्कृष्ट नतिजाले अभिभावकहरु गुरुकुल प्रति निकै प्रभावित भएका छन ।
लाइभदाङ । २२ कार्तिक २०८०, बुधबार १७:१६ बजे