तुलसीपुर, २६ जेठ । दाङमा बसले अटोलाई ठक्कर दिँदा पाँच जना घाइते भएका छन्।
शनिबार अपराह्न पौने ४ बजे दाङको तुलसीपुर उपमहानगरपालिका-७ श्रीगै स्थित राप्ति राजमार्गमा रा १ ह २२०७ नम्बरको अटोलाई तुलसीपुरबाट सल्यान जाँदै गरेको रा १ ख २०३७ नम्बरको बसले ठक्कर दिएको हो।
बसको ठक्करबाट अटोमा सवार रहेका पाँच जना घाइते भएको र तीमध्ये तीन जनाको अवस्था गम्भीर रहेको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए।
गम्भीर घाइतेहरू दुई वर्षका, ८ वर्षका र १२ वर्षका बालक रहेको प्रहरीले जनाएको छ। उनीहरूलाई उपचारका लागि राप्ति प्रादेशिक अस्पताल पठाइएको छ।घाइतेहरुको परिचय खुल्न बाँकी रहेको प्रहरी निरीक्षक थापाले बताए।
लाइभदाङ । २६ जेष्ठ २०८१, शनिबार १६:३९ बजे