तुलसीपुर, १९ कात्तिक । दाङमा मोटरसाइकल दुर्घटना हुदा एकजनाको मृत्यु भएको छ । मृत्यु हुनेमा मोटरसाइकल चालक राप्ती गाउँपालिका–५ कमलरोड बस्ने २२ बर्षीय प्रेम राना रहेको जिल्ला प्रहरी कार्यालय दाङका प्रवक्ता तथा डीएसपी इश्वर थापाले जानकारी दिनुभयो ।
प्रहरीका अनुसार लमहीबाट गढवातर्फ जाँदै गरेकाे रा ७ प ४०७४ नम्बरको माेटरसाइकल लमही -गढवा सडककाे भित्री खण्डमा बैंकराेडमा आज बिहान साढे ६ बजेतिरको समयमा अनियन्त्रित भएर पल्टिदा दुर्घटना भएको हो ।
दुर्घटनामा परी गम्भिर घाइते भएका रानालाई उपचारका लागी तत्काल लमही अस्पताल पुर्याइएपनि उपचारकै क्रममा सवा ७ बजेको समयमा मृत्यु भएको प्रहरीले जनाएको छ । घटनाबारे थप अनुसन्धान भइरहेको प्रहरीले बताएको छ ।
लाइभदाङ । १९ कार्तिक २०८१, सोमबार १३:३७ बजे