तुलसीपुर, २२ असोज । दाङको तुलसीपुरमा ठुलो आवाजमा मोटरसाइकल चलाउनेलाई कारबाही गरिएको छ ।
चाडपर्व नजिकिदै गर्दा अत्यधिक ठूलो अवाजमा मोटरसाईकल पड्काउदै हिडिरहेकाहरुको मोटरसाईकल नियन्त्रण गरि जरिवाना गर्ने गरिएको छ ।
सोमबार यस्ता १२ वटा मोटरसाइकल नियन्त्रणमा लिएर कारवाही गरिएको थियो । इलाका प्रहरी कार्यालय तुलसीपुरका प्रहरी निरीक्षक प्रकाश थापाका अनुसार उनीहरुलाई पाँचसय जरिवाना गरिएको हो ।
मोडिफाई गरी ठुलो आवाज बनाएर चलाउने सबैभन्दा धेरै बुलेट मोटरसाइकल रहेका छन् । पहिलो पटकलाई जरिवाना गरेर सम्झाई बुझाई छोडिएको भन्दै अर्को पटक दोहो¥याए मोटरसाइकल नै नियन्त्रणमा लिएर यातायात व्यवस्था कार्यालयमा बुझाउने बताए ।
स्वरुमबाट ल्याउदा जस्तो अवस्था हुन्छ सोही अवस्थामा मोटरसाइकल चलाउनुर्छ । तर, युवाहरुले मोडिफाई गरि ठूलो आवाजमा मोटरसाईकल चलाउने गरेका छन् ।
लाइभदाङ । २२ आश्विन २०८१, मंगलवार २२:०५ बजे