तुलसीपुर, २२ असोज ।
दाङमा कुटपिटबाट घाइते भएका एक जनाको मृत्यु भएको छ । मृत्यु हुनेमा दंगीशरण गाँउपालिका ४ बैबाङ निवासी ४१ वर्षीय बरन्तु चौधरी रहेको इलाका प्रहरी कार्यालय तुलसीपुरका प्रहरी निरीक्षक पर्वत केसीले जानकारी दिनुभएको छ ।
सोही ठाउँका शेखर चौधरीको फरुवा प्रहारबाट गम्भिर घाइते चौधरीको उपचारका क्रममा कोहलपुरमा शुक्रबार मृत्यु भएको हो । आरोपी ४० वर्षीय शेखर चौधरीलाई प्रहरीले नियन्त्रनमा लिएर आवश्यक अनुसन्धान गरीरहेको इलाका प्रहरी कार्यालय तुलसीपुरले जनाएको छ ।
लाइभदाङ । २२ आश्विन २०७९, शनिबार १५:३६ बजे