दाङ, २२ माघ ।
प्रेस सेन्टर नेपाल दाङको बैठक घोराही सम्पन्न भएको छ । बैठकले आगामी माघ २८ गते हुने लुम्बिनी प्रदेश अधिवेशनका लागि प्रतिनिधी छनौट गरेको छ । बैठकले प्रतिनिधीका रुपमा गोबिन्द खड्का ,केशरमान बुढाथोकी,राकेश बस्नेत,चन्द्र खनाल, सन्तोष अधिकारी, चुमा आचार्य, अनिता पोखरेल, ईराधा झाँक्री,शिबु खनाल,शान्तराज बुढा, र सागर सुबेदीलाई पठाउँने निर्णय गरेको हो ।

बैठकले प्रकाशन विभाग,आर्थिक बिभाग, संञ्चार तथा सूचना प्रविधि विभाग र तालिम विभाग गठन गरेको छ । संगठनका अध्यक्ष जनक नेपाली संयोजक रहेको प्रकाशन विभाग गठन गरेको हो । जसको सदस्यमा उपाध्यक्ष जीवन नेपाली, सचिव दीपक बोहरा र कार्यालय सदस्य शान्तकुमार बुढा सदस्यका रुपमा रहने निर्णय गरेको छ । कोषाध्यक्ष दीपक ओली संयोजक सदस्यहरु तुलबहादुर कवँर,आलोक भाबुक,मदन बिक मुस्कान सदस्य रहेको आर्थिक विभाग गठन गरिएको छ । सचिव दीपक बोहरा संयोजक र सदस्यहरुमा सन्तोष डाँगी,हेमराज परिर्वतन र मधुसुधन गिरी सदस्य रहेको सञ्चार तथा सूचना प्रविधि विभाग गठन गरेको छ ।

उपाध्यक्ष पुष्पा पौडेल संयोजक र सदस्यहरु गिरीराज नेपाली,टेकराज भण्डारी र बिरेन्द्र ओली सदस्य रहेको तालिम विभाग गठन गरेको छ । बैठकले संगठनको कामलाई छिटो छरितो र चुस्तदुस्त बनाउँन अध्यक्ष जनक नेपाली,उपाध्यक्ष जीवन नेपाली,उपाध्यक्ष पुष्पा पौडेल,सहसचिव सन्तोष डाँगी गिरीराज नेपाली कोषाध्यक्ष दीपक ओली र शान्तकुमार बुढा रहेको आँठ सदस्य सचिवालय कमिटी गठन गरेको छ । बैठकले जिल्ला कार्य समिति सदस्य शान्तकुमार बुढालाई पदाधिकारीको जिम्मेवारी दिने गरी जिल्ला कार्यालय सदस्यका रुपमा मनोनयन गर्ने निर्णय समेत गरेको छ ।

तीन वर्षेको अवधिमा गर्ने कामको प्रस्ताव पेश गर्दै संगठनका अध्यक्ष जनक नेपाली जिल्ला दशवटै स्थानिय तहमा पत्रकारीता तालिम संचालन गर्ने, संगठनको मुखपत्र हाम्रो कमल प्रकाशन गर्ने, संगठनको नाममा करिब तीन लाख रुपैयाँ बराबरको अक्षकोष स्थापना गर्ने बताउँनु भएको थियो । बैठकलाई सम्बोधन गर्दै नेकपा माओबादी केन्द्र दाङका ईन्चाज निर्मल आचार्यले प्रेस सेन्टरले जनताका आवाज बोल्नुपर्ने बताउँनुभयो । बैठकको प्रमुख अतिथी समेत रहनु भएका आचार्यले समाज परिर्वतनमा पत्रकारको भुमिका महत्वपूर्ण हुने भन्दै संगठनमा आबद्ध भएका सबै पत्रकार त्यही अनुसार अगाडी बढ्न सुझाब दिनुभयो ।

बैठकलाई पार्टीका केन्द्रीय सदस्य हेमराज शर्मा डायमण्ड ,केन्द्रीय उपाध्यक्ष तथा संस्थापक अजयदीप शर्मा,नीति परामर्श समिति सदस्य एवं पत्रकार महासंघका केन्द्रीय निवर्तमान उपाध्यक्ष उदय जि.एम, प्रदेश अध्यक्ष दाङका स्थापक पुरन शर्मा, मानशिंह बिक,उपाध्यक्ष, प्रकाश चौधरी, महासचिव भुपेन्द्र ओली लगायतले सम्बोधन गर्नुभएको थियो । संगठनका जिल्ला अध्यक्ष जनक नेपालीको अध्यक्षतामा बसेको बैठकको सहजिकरण सचिव दीपक बोहराले गर्नु भएको थियो ।